ரகசியங்கள்

முத்தமிடும்போது
முத்திரைபதிக்க
முன்னுரை,,,,,,
இந்த மூக்குத்தி



காதில் சொல்லும்
காதல் சங்கதியை
கமுக்கமாக வைத்துக்கொள்ளும்
 இந்தக் கம்மல்


சங்கு கழுத்திலிருந்து
சங்கமித்ததை
சங்கீதமாய்
ஸ்வரம் கொடுக்கும்
இந்த சங்கிலி



வளைந்து நெளிந்து
போகும் மன்னனை
வலைத்துப்பிடித்து
இழுத்துக்கொள்ளும்
 இந்த வலையல்



மோகத்தில் உண்டாகும்
மோதலை
மெளனராகமாய் சொல்லிடும்
இந்த மோதிரம்


காதல் ரகசியங்களை
கணவனின்
காதில்சொல்லும்,,,
இந்த கால் கொலுசு



பெண்ணரசிகளே
புன்னகையுடன் பொன்நகையும்
சேர்த்திடுங்கள்
புதுமணத்தம்பதிகளாய்
வாழ்ந்து மகிழுங்கள்.......

அன்புடன் மலிக்கா


இறைவனை நேசி இன்பம் பெருவாய்

கோடைகுளிருமா? -வாடை வருடுமா?

வாழ்வைத்தேடி
வயல்வரப்புகளை விற்று
வந்த நாங்கள்
வறுமையைபோக்க
வாலிபத்தை தொலைத்து
வீடுதிரும்பும்போது
வயோதிகத்தையும் வியாதியையும்
கொண்டுசெல்லும் எங்களுக்கு
கோடையென்ன! வாடையென்ன!



கோடைவெயில்
கொடூரமாய் கொழுந்துவிட்டு எரிய
அதன்
கொள்ளிக்கட்டைகளாய் நாங்கள்மாறி-
குளிர்காயும்
கோடீஸ்வரர்களுக்காக
கட்டிடம் கட்டும் எங்களுக்கு
கோடையென்ன வாடையென்ன!

கண்ணுக்கெட்டிய தூரம்வரை
கானல்நீர் கரைபுரண்டு ஓட
உச்சிமுதல் பாதம்வரை
உதிரம் வியர்வைகளாய் நனைய
சாலையின் இருபுறத்திலும்
புல்வெட்டி களையெடுத்து
பூச்செடிகள் நடும் எங்களுக்கு
 கோடையென்ன! வாடையென்ன!



அதிகாலை குளிரில்
நாடியெல்லாம் நடுநடுங்கி
நரம்புகள் விறைத்துக்கொள்ள
சாலைகளை சுத்தப்படுத்தி
அடுத்தவர்களின் அசிங்கங்களை
அப்புறப்படுத்தும் எங்களுக்கு
கோடையென்ன! வாடையென்ன!



வாடைக்காற்று வதைப்படுத்த
வாதநோய் வருத்தப்படுத்த
எங்களின்
கஷ்டங்களை தீர்க்க
குப்பைத் தொட்டிக்குள் கைவிட்டு
பிளாஸ்டிக் தனியே
 தகரடின் தனியேயென
பிரித்தெடுக்கும் எங்களுக்கு
கோடையென்ன! வாடையென்ன!



பாலைவமணலிலே!
புழுதிபறக்கும் அனலிலும்
உறையவைக்கும் குளிரிலும்
ஒட்டகத்தோடு
ஒன்றிவாழும் எங்களுக்கு
கோடையென்ன! வாடையென்ன!

நாங்களும் காத்திருக்கிறோம்
நன்னாளை  எதிர்பார்த்திருக்கிறோம்!!!

கோடை என்றாவது
குளிருமென்றும்,
வாடை என்றாவது
வருடுமென்றும்,,,,,,,,,


அன்புடன் மலிக்கா

[இந்த கவிதை,தமிழ்தேர் இதழுக்கு எழுதி வெளியாகிய கவிதை..
இந்த கவிதை உலகெங்கும் உழைத்து உலன்றுபோகும்
உழைப்பாள தொழிலாளர்களுடைய வேதனைகளின் வலிகளை
என் வரிகளின்மூலம் வெளிப்படுதிருக்கிறேன்.
முதன்முதலாய் நான் மேடையேறி வாசித்த இக்கவிதைக்கு எழுந்த கைத்தட்டல்
இன்னும் என் காதில் ஒலித்துக்கொண்டேயிருக்கிறது

காதல் செய்துபாருங்கள்

காதல் மிகப்புனிதமானது,
அதை விளையாடி வீணாக்கிவிடாதீர்கள்
சிறுவயதிலும்
சின்னப்பிள்ளைத்தனத்திலும்
செய்வது காதலல்ல

காதல் கடலைப்போன்றது
திருமணத்திற்குமுன்
செய்யும் காதல்
 கரையை மட்டும்
தொட்டு நிற்கவேண்டுமே தவிர,
அலைகளுடன் விளையாடினால்
சுனாமிபோல்
சுருட்டிகொண்டு போய்விடும்

திருமணத்திற்குப்பின்
வளரும் காதல் ...
பேரலைகளையும்
தொட்டுக் கூத்தாடினாலும்
அதனுள்
மூழ்கியபோதும்
முத்துடன்தான் வருவோமே
தவிர
மூச்சடைத்து விடமாட்டோம்

திருமணத்திற்குபின்
காதல் செய்துபாருங்கள்

அதனின் ஆழம் தெரியும்,
அதனின் அன்பு புரியும்,
அதனின் மதிப்பு தெரியும்

காதல் கண்ணியமானது
அதை
கலங்கப்படுத்தி விடாதீர்கள்!!
கணவருடன்
காதல்
செய்து பாருங்கள்,
காதலுடனே
வாழ்ந்துபாருங்கள்!!
நம்
வாழ்க்கைக்குப் பின்னும்
காதல் வாழும்!!


அன்புடன்மலிக்கா
இறைவனை நேசி இன்பம் பெருவாய்