நீரோடை

நினைவுகூறுவோமாக!

2012-01-26T09:48:00.000+04:00

அடக்குமுறைசெய்த
அன்னிய ஆங்கிலேயர்களிடமிருந்து
அகிம்சை என்னும்

அறவழியில் வெற்றிவாகை சூடி
உப்புசத்தியாகிரங்களால் தன்
உடல்களை வருத்தி

தன் குருதிகளையும் தன் தேகங்களையும்
தன் தாய்நாட்டிற்க்காக அர்ப்பனம் செய்து
தாயகத்திற்க்கு பெருமைத்தேடித் தந்து

தன் வம்சா வழியினர்கள் வசந்தமாய் வாழ
தன் வாழ்நாட்க்களைக்கூட வலியுடன் கழித்து
தன்நாட்டுக்காகவே பாடுபட்டு

சுதந்திரக்காற்றை நம் தேசத்தில் நிலவவிட
தம் சுகங்களையெல்லாம் தூக்கியெறிந்த
தியாகச் செம்மல்களின்
தியாகங்களுக்கு பலன்கிடைத்த தினம்

நம்தாய்நாட்டினை அன்னியர்களின்
பிடியிலிருந்து காப்பாற்ற
பாட்டுபட்டவர்களை இன்றுமட்டும்
நினைப்பது எவ்விதத்திலும் நியாயமில்லை

எந்த நோக்கத்தில் நமக்காக
சுதந்திரத்தை வாங்கித்தந்தந்தர்களோ
அதை கண்ணியத்துடன்
காத்துக்கொள்ளவேண்டியது நம்கடமை

சுதந்திரகாற்றை சுகமாய் அனுபவிக்கும்
நம் சுதந்திரகொடிபோல்
நாமும் நமக்காக பாடுபட்டு வாங்கித் தந்த
சுதந்திரத்தை பத்திரப்படுத்தி வாழ்வோமாக

நாட்டை நினைக்கும்போதெல்லாம்
நாட்டுக்காக போராடிய
நல்லவர்களையும்
நினையுகூறுவோமாக.

என் தாய்திருநாட்டில் வாழும் கோடானகோடி
மக்களுக்கும் உலகம்முழுவதும் இருக்கும் என்
இந்தியமக்களுக்கும் “என் அன்பான குடியரசு தின வாழ்த்துக்கள்”

அன்புடன் மலிக்கா
இறைவனை நேசி இன்பம் பெறுவாய்.

ஆத்மார்த்தமான நன்றிகள்.

2012-01-24T06:49:00.004+04:00

என் உணர்வுகள் துடித்து எழுத்துகளாய் வெளியேறியது
அது ஓசையாகி உலகெங்கும் ஒலித்து
இன்று சிறந்த நூலுக்கான மூன்றாம் பரிசை பெற்றுள்ளதை நினைத்து
என் மனத்துக்குள் ஆயிரம் பட்டாம்பூச்சிகள் ஆனந்த சிறகடித்துப்பறக்கவைக்கிறது.
என் ஆன்மாவுக்குள் இறைநம்பிக்கையின் விசுவாசத்தை வலுப்பெறசெய்கிறது

கவிஞாயிறு தாராபாரதி அறக்கட்டளை எனது முதல்கவிதை நூலான ”உணர்வுகளின் ஓசை”யை 2010 ஆம் ஆண்டிற்கான சிறந்த நூலாய் தேர்ந்தெடுத்து மூன்றாம் பரிசை அறிவித்துள்ளது. அதனை மணிமேகலை பிரசுரத்தார்கள் எனக்கு மெயில் வழிசெய்தியாக வாழ்த்துகளையும் அவர்கள் அனுப்பிய கடித்தினையும் இணைத்து அனுப்பினார்கள். அதனைக்கண்டதும் இறைவா புகழனைத்தும் உனக்கே என உள்ளம் ஆனந்ததில் அழுது திழைத்தது.

இணைக்கப்பட கடித்தத்தின் அலைபேசி நம்பருக்கு போன் செய்து கவிஞாயிறு தாராபாரதி அறக்கட்டளையின் தலைவர் மலர்மகன்அய்யா அவர்களிடமும் பேசிவிட்டு என நெஞ்சார்ந்த நன்றிகளையும் தெரிவித்தேன்.
இதோ அவர்கள் அனுப்பிய கடித்தம் உங்கள் பார்வைக்கும் இணைத்துள்ளேன்.

எனது நூலையும் சிறந்த நூலாக தேர்ந்தெடுத்த கவிஞாயிறு தாராபாரதி அறக்கட்டளைக்கும். எனது நூலை பல பரிசுப்போட்டிகளுக்கு அனுப்பிவரும் மணிமேகலை பிரசுரத்தாருக்கும்.
எனது ஆத்மார்த்தமான நன்றிகள்.எந்நாளும்..

எனது ஒவ்வொரு எழுத்துகளுக்கும் நீரோடையின் வாசகர்கள் மற்றும் அன்பர்கள். நல்லுள்ளம் கொண்ட அனைவர்களின் ஊக்கம்தான் இதை உங்களோடு பகிர்வத்தில் எனக்கு ஆனந்த மகிழ்ச்சி. இதைத்தொடர்ந்து உலகெங்கிலும் உள்ள உணர்வுகளின் வெளிப்பாடாய் இன்னுபல நூல்கள் எழுதவேண்டுமென எண்ணம் தூண்டிவிடப்பட்டுள்ளது. இறைவனின் துணைக்கொண்டு அதனை செயல்படுத்த முயச்சிக்கிறேன்.அதற்க்கு தங்கள் அனைவரின் அன்பென்ற ஒத்துழைப்பும். இறைபிராத்தனைகளும் என்றென்றும் எனக்கும் என் எழுத்துகளுக்கும் வேண்டும் என வேண்டும்

உங்கள்
அன்புடன் மலிக்கா
இறைவனை நேசி இன்பம் பெறுவாய்.

வீசுதடா விஷக்காற்று

2012-01-23T06:08:00.002+04:00

வீசுதடா விஷக்காற்று

வீதியெங்கும் வேகமாக!

பரவுதடா வீதியெங்கும்

பூகம்பமாக பூலோகமெங்கும்!

சாந்தமான கடல் தாயோ

சுருட்டுதடா சுனாமியாக!

அழியுதடா விதவிதமாக

அறியாத நோய்களாலே!

வாசத்தோடு பூக்கும் மலர்கள் -நொடியில்

வாடி வீழ்ந்து போகுதடா!

வாஞ்சையாக வீசும் தென்றல்

வாசலெங்கும் வக்கிரத்தோடு ஆடுதடா!

அழகாக காட்சி தரும்

அடர்ந்தகாடும் அழியுதடா!

எழில் மிகுந்த மலைகளுமே

எரிகுளம்பாகி உருகுதடா!

அன்னம் தரும் அருள் மழையோ

அடை மழையாய் பொழியுதடா!

பயிர்களெல்லாம் மூழ்குவதால்

பசிக் கொடுமை கூடுதடா!

உக்கிரங்கள் மனதில் குடியேற

அக்கிரமங்கள் உலகில் அரங்கேறுதடா!

அதை பொறுக்க முடியாமல்

இயற்கையும் எகுறுதடா

இடைவிடாமல் ஏறுக்குமாறா!

இதுவும் ஈகரை கவிதைப்போட்டிக்காக எழுதியதுதான்..

அன்புடன் மலிக்கா
இறைவனை நேசி இன்பம் பெறுவாய்.

பெண்ணே எழு நீ இடியாக!

2012-01-20T06:18:00.001+04:00

மனவுணர்வுகளை

மிதித்தே பலக்கப்பட்டு -பிற

மனங்கள் வலிப்பதைப் பற்றி

சிறுதளவேனும்

சிந்திக்காதோர் மத்தியில்”

மர்மங்கள் புதைப்பதைப்போல்

மன ரணங்களை மறைத்து வைத்து

மனதை ஊமையாக்கிவிடாமல்

மல்லுக்கு நின்று முன்னேறு!

பெட்டைக்கூவி பொழுது விடியாதென

புலம்புவோர் மத்தியில்

புதைந்துவிடாதே பெண்ணே!

இவர்களெல்லாம் பெண்ணை

பேதையென்றே பேசிப்பேசி

போதை கண்டுவிட்டார்கள்

முடவன் கொம்புத்தேனுக்கு

ஆசைப்படக் கூடாதென்பார்கள்

முடவனாக இருந்தாலும்

முயற்சித்தால் முடியாமல் போகுமோ!

ஒரு சொட்டேனும்

தேன் கிட்டாமல் போகுமோ!

அடிமை நெருப்புக் கங்குகளாய்

ஆழ்மன உணர்வைகூட கருக்கசெய்யும்

அகந்தைகளிடம் அகப்பட்டு

அடைபட்டேக் கிடக்காதே!

அந்தியில் சாயும் வெயில்

அதிகாலையில் சுள்ளென்று எழுவதுபோல்

அதிகாரவர்கங்களின் பிடியில்

அகப்பட்டுகிடக்காமல்

அமைதியாய் வீறு கொண்டெழும்பு

அடுத்தவர் மனவோட்டம் புரிந்தாலும்

அறியாமையாலல்ல

ஆற்றாமையால்

அறியமறுக்கும் அறிவிலிகள் மத்தியில்

அகம்பாவம் அறுத்தெறிந்து

அன்பெனும் ஆயுதம் அணிந்து

இறைக்கு மட்டுமே அடிபணிந்து

இருளிலும் அச்சம் தவிர்த்து

அவசரமில்லாமல் ஆய்ந்து ஆராய்ந்து

அடியெடுத்து வைத்து நடைபோடு

அஞ்ஞானத்தோடு மெஞ்ஞானமும் சேர்த்து

முன்னேறுவதையே

முயற்சியாக்கொண்டு முன்னேறினால்

பின்சென்ற அனைத்தும்

முன்னுக்கு வரும்

முந்தானைப் பெண்ணுக்கும்!

முயற்சி வெற்றியையே தரும் .........

இதுவும் ஈகரை கவிதைப்போட்டிக்காக எழுதியதுதான்..

அன்புடன் மலிக்கா

இறைவனை நேசி இன்பம் பெறுவாய்.

ஈழமா இருளும்!..

2012-01-16T21:00:00.002+04:00

ஈழத்தில்

ஈரக்குலைகளெல்லாம்

இரத்தமற்று இறுகிக்கிடக்க

இரக்கமற்ற அரக்கர்களெல்லாம்

இறந்தவர்களின்மேல் ஆட்டம்போட!

இப்படியான கொடுமைகள்

எப்போதுதான் தீருமென

எங்கோயிருக்கும்

ஈரல்களில்

ஈரம் ஊற்றெடுக்க!

அரசியலாகும் ஈழம்

அரசியலாக்கும் ஈனம்

அழுகுரல்களின் ஆலோழம்

அந்தி சாய்ந்தாலும் தீராதாம்

விடியலை எதிர்பார்த்து

விடிய விடிய

விழித்திருக்கும் விழிகளுக்கும்

விழித்திரையிடும் கண்ணீர்களுக்கும்

விடிந்திடும் ஒரு நாள் கிழக்கு

முடிந்திடும் அன்றே

கொடுமையின் வழக்கு

ஈசப்படைகள் நாசமித்துபோகும்

ஈழக்குழந்தைகள்

தன் தேசமெங்கும் வாழும்

எப்போர் நடத்தினாலும்

அப்போரையும் வெல்லும்

ஏவுகனைகொண்டு

காரிருளை வீசினாலும்

ஈழமா இருளும்?

இருளையகற்றி தீப ஒளியேற்றத் தெரியும்

இயன்றளவு ஈழம் காக்க முடியும்

ஈழத்தில் இனி எந்நேரமும்

இருளுக்கில்லை வேலை

இரவு நேரத்தில் மட்டும் வந்து

ஈழக்குழந்தைகளை உறங்கவைத்து

இனிமையாக்கிடுமே நாளை!...

---------------------------------------------------------------------------------------------------------------

இக்கவிதை ஈகரையின் கவிதைப்போட்டிக்காக எழுதியது.கவிதைப் போட்டியில் வெல்லமுடியாவிட்டாலும் கலந்துகொண்டமைக்கான மகிழ்ச்சியடைகிறேன். வித்தியாசமான 8 +8 தலைப்புகள் தந்தார்கள். அதில் 8 தலைப்புகள் நாமாக தேர்ந்தெடுத்து எழுதவேண்டும். அப்படி நான் தேர்ந்தெடுத்த தலைப்புகளில் ஒன்றுதான் இது.[மற்றவைகள் தொடரும்]
போட்டியில் வென்றவர்களுக்கு எனது வாழ்த்துகள்..

அன்புடன் மலிக்கா

இறைவனை நேசி இன்பம் பெறுவாய். .

தமிழரின் பெருமை தழைத்து ஓங்கட்டும்.

2012-01-14T13:52:00.004+04:00

உழைப்பு
உயர்வைத் தரும்
உழைக்காதோருக்கு
உடலும்
உள்ளமும் சோர்வைத் தரும்

ஒருவர் உண்டு மகிழ
இன்னொருவருரின்
வேர்வைகளை
விதையாக்கி உழுதிட

அது நெல்லாகி
அறுவடையாகி
அரை சாண் வயிற்றை
ஆனந்தப்படுத்த
சோறாகி சுகம்தரும்...

இது சென்ற வருடம் எழுதியது..

தை திங்கள் வந்தது
தமிழருக்கு மகிழ்வைத் தந்தது

ஏர்பிடித்து உழுதிடும்
உழவரின் உழைப்பின்
ஏற்றங்களை உலகுக்கு உணர்த்திட
”வந்தது திங்கள் தந்திடும் பொங்கல்”

உழைப்பவரின் மனதினை
உற்சாகப்படுத்தி
ஊக்கமும் உறுதியும் தந்திட
”வந்தது திங்கள் தந்திடும் பொங்கல்”

கலப்பையின் உழைப்பே
அகப்பையில் சோறு
காட்டையும் பொன்னாய்
ஆக்கிடும் பாரென்று சொல்ல
”வந்தது திங்கள் தந்திடும் பொங்கல்”

விஞ்ஞானங்கள் பல வந்தாலும் -இந்த
விவசாயின் வேர்வைக்குத் தனி
விலைமதிப்புள்ளதென்பதைச் சொல்ல
”வந்தது திங்கள் தந்தது பொங்கல்”

ஐந்தறிவு ஜீவன்களுக்கும் அலங்காரம்
அது விளங்கா போதிலும்
அதற்கும் மதிப்பளிக்க
”வந்தது திங்கள் தந்தது பொங்கல்”

கரும்பும் மஞ்சளும் மங்களமாய் இனித்திட
கன்னிகள் சத்தம் களைக்கட்டிட
கூட்டமாக கூட்டமாய் கூட்டாஞ்சோறு
கூடிப் பொங்கி உண்டிட
”வந்தது திங்கள் தந்தது பொங்கல்”

தமிழரின் பெருமை தளைத்து ஓங்கிட
தன்னிறைவுபெற்று செழித்து வாழ்ந்திட
ஏழைகளற்று ஏற்றம் பெருகிட

ஏழ்மையை அடித்து தூரத்தி விரட்டிட
எல்லாம் வல்ல இறைவனை தொழுது
என்றும் கேட்போமே இனியபொழுது....

உலகில் உள்ள ஒட்டுமொத்த தமிழர்களுக்கும்.

தமிழினத்துக்கும். உழவர்களுக்கும். உழைப்பாளிகளுக்கும்.
உளமார்ந்த வாழ்த்துக்கள்...

அன்புடன் மலிக்கா
இறைவனை நேசி இன்பம் பெறுவாய

மெளனத்தின் வெளிப்பாடு..

2012-01-10T20:09:00.002+04:00

உள்ளத்தின் ஆழத்தில்

ஓராயிரம் சொற்கள்

ஒளிந்து கிடக்கின்றன

ஒன்றுமறியாத உதடு

ஊமைக்குருவியாகி

மெளனித்துக்கிடந்தும்

முணுமுணுத்துவிடுகிறது

அர்த்த ஜாமத்தில்

அனைத்துமே

அடங்கிக் கிடக்கும்போது

அலறத்துடிக்கிறது மெளனம்

ஆனபோதும்

அர்த்தங்களற்ற செயல்களாகி

அமைதி காத்துகிடக்கிறது

ஆழ்மனதின் அர்த்தமறிந்து

பலநேர மெளனம்

பலனைத் தருமென்றும்

சிலநேர மெளனம்

சிக்கலைத் தருமென்றும்...

அன்புடன் மலிக்கா

இறைவனை நேசி இன்பம் பெறுவாய்.

பூட்டிவிட்டேன் உனை வைத்து.

2012-01-08T13:31:00.001+04:00

அன்பான காதலனே
ஆருயிர் மன்னவனே!

பரிமாறிக்கொண்ட
பார்வைகளின் ஸ்பரிசங்கள்
பேசாமல் பேசிய
வார்த்தைகளின் கோர்வைகள்

நொடிக்கொருமுறை
நினைவுகளோடு உரசல்கள்-என
நெஞ்சம் முழுவதும்
நிரம்பி வழிகிறாய்

விழிகளில் வினவினாய்
இதயத்தை தழுவினாய்
விழிமூடும் போதெல்லாம்
உயிருக்குள் உலவினாய்

உயிரின் வேர்களை
உலுக்கி -அதிலுதிர்ந்த
உணர்வுகளை
உதிராமல் கோத்தாய்!

கோத்த நினைவுகளை
பொக்கிஷமாக்கி-அதை
தொலைந்துவிடாதவாறு
மனதிற்குள் புதைத்தாய்!

மூங்கிலின் காற்றுக்குள்

மூச்சுமுட்ட செய்தாய்

மூழ்காமல் கடலுக்குள்

முத்தெடுக்க வைத்தாய்!

எனக்குள் உன்னைத் தந்து
மனச்சிறகையும் நெய்து தந்து
மனவானில் பறக்கும்போது
சிறகுகளை ஏன் கேட்கிறாய்!

முயன்றுதான் பார்க்கிறேன்
முடியாமல் தோற்கிறேன்
மறக்கமுடியா நினைவுகளை
மீண்டும்
மனத்திற்குள் பூட்டுகிறேன்

அடப்போடா காதலனே!
என்றுமே நீதான்
என் கணவனே!

இது நான் 2009 நவம்பர் மாதம் 3 ந்தேதி எழுதியது. அதிலிருந்து இதில் சின்ன மாற்றம் செய்து வெளியிட்டுள்ளேன். அது என்னான்னு கண்டுபிடிங்க..

கண்டுபிடி கண்டுபிடி அட சும்மாதான். கண்டு பிடிங்களேன்

அன்புடன் மலிக்கா
இறைவனை நேசி இன்பம் பெறுவாய்.

பழுக்காத இலையொன்று!

2012-01-06T08:30:00.001+04:00

தேடியெடுத்த வாழ்க்கை
தோற்றுவிட்டதாய் எண்ணி
வழக்கில் விட்டபோது
வாழ்ந்த வாழ்க்கையின்
வகைகளை சொல்ல வழியின்றி
வார்த்தைகள் சிறைப்பட்டுக்கிடந்தன

வாய்தாக்கள் வாங்காமல்
வழக்கு முடிவடைந்ததும்
வழக்கத்திற்க்கு மாறாக
வாக்குவாதமேயில்லாமல் நான்கு
விழிகளும் விசாரித்துக்கொண்டன

பிரியாவிடைபெறும் சமயம்
பொசுக்கென வந்தபோது -இதுவரை
சிறையிருந்ததாய் சிணுங்கிய இதயம் -ஏனோ
சிணுங்கியழத் தொடங்கின
சிதறிய வாழ்வையெண்ணி

பழுக்காத இலையொன்று
பட்டென எழுந்த காற்றில்
படபடத்து கீழே விழுந்து
பரிதவித்து போய்
பட்டமரநிழலில் ஒதுங்கியதுபோல்

பிரியம் அவநம்பிக்கையானபோது
பாசம் பொய்த்தபோது
நேசம் வேசம் கலைத்தபோது
நிம்மதி நெடுந்தூரம் போனபோது
நிறைவு நெஞ்சைவிட்டு அகன்றபோது

அவமானங்களை சுமந்தபடி
அடிநெஞ்சு கனத்தபடி
அச்சத்தோடு வாழ்வது சரியல்லவென்று
அச்சடித்த காகிதத்தின் அடியில்
அச்சுப் பிசகாமல் அப்படியே

விவாகத்தின்போது
அன்பினாலிட்ட கையெழுத்தை
விவாகரத்தின்போதும்
அன்பைவெருதிட்டது
விரல்கள் விரும்பாமலே
விரக்தியான மனதோடு...

இக்கவிதை எழுத்து.காமில் வெளியாகியுள்ளது
எழுத்து.காமிற்க்கு எனது நன்றிகள்..

அன்புடன் மலிக்கா
இறைவனை நேசி இன்பம் பெறுவாய். .

புதையவா! பூக்கவா!

2012-01-04T07:53:00.000+04:00

காதலென்னும் கீதை –அது

கல்லும் கற்கண்டுமான மாயை-அதனை

கடந்து போகும் பாதை

கடைசியில் எங்குசேர்க்குமோ ஏது விடை!

கண்களும் கண்களும் சந்திக்கும்பொழுது -அதை

காணாது சிந்திக்கும்பொழுது

காதல்கொண்டு நிந்திக்கும்பொழுது

கனவுக்குள்ளும் கவியெழுதும்பொழுது!

குரலெழும்பாமல் கவிபாடும்

கைகள் அசையாது நடனமாடும்

மனதுக்குள் மெளவுனராகம்

மத்தளத்தோடு மேடைபோடும்!

உயிருக்குள் ஓடியாடி

உதிரங்கள் உரக்க பேசும்

உதடுகள் ஒட்ட நினைத்து

ஓர நின்றே எட்டிப் பார்க்கும்!

ஒவ்வொரு நொடியும்கூட

ஓராயிரம் யுகங்களாகும்

அழகான ஆழ்மனம்கூட

அடியோடு சாயக்கூடும்!

அடிக்கடி குறிஞ்சி பூக்கும்

அதிசயங்கள் நேரில் தோன்றும்

அந்திநேர பொழுதில்கூட

ஆகாயம் வெயிலைக் காட்டும்!

தன்னந்தனியாய் தவிக்கச் செய்யும்

தனியே சிரித்து அழவும் வைக்கும்

நிம்மதியை நிழலில் வைத்து

நெடுந்தூரம் பயணிக்க வைக்கும்!

ஆதாள பாதாளமெல்லாம்

அழகாய் கடக்க வைக்கும்

பலவேளை அதனுள்ளே

படுவேகமாய் புதையவைக்கும்!

புரியாத புதிராகி

புதைகுழியில் சிக்கவைக்கும்

புரிந்துவிட்டால் வாழ்க்கைமொத்தம்

புத்தம் புதிய சொர்க்கமாகும்..

இக்கவிதை எழுத்து.காமில் எனது முதல் கவிதை. அன்பான வரவேற்போடு என்னை வரேற்று.ஊக்கமென்னும் கருத்துக்களால் நெகிழச்செய்த எழுத்து.காமிற்க்கும் அங்குள்ள உறுப்பினர்களுக்கும் எனது நன்றிகள்..

அன்புடன் மலிக்கா
இறைவனை நேசி இன்பம் பெறுவாய்.

புத்தாண்டு பரிசு.

2012-01-03T10:24:00.003+04:00

அகிலத்தை ஆளும் இறைவனே
அனைத்தும் அறிந்தவனே
அதிகம் கற்காத என்னை
அறிவோடு வளர வைத்தாய்

எழுத்தில் எழுந்த எண்ணம்
ஏறியது வானொலியில்
ஏற்றமிகு உன்னாலே
எதிரொலித்தது
எல்லோரது காதுகளில்

வல்ல நாயனே
வாரிவழங்கும் தூயவனே
வற்றாத ஜீவநதியாய்
எனக்குள் எண்ணங்களை
வழிந்தோடச் வகைசெய் ரஹ்மானே!

எங்கும் நிறைந்தோனே
ஏக வல்லனோ
எண்ணாலும் எழுத்தாலும் உன்னை
ஏகமனதாய் என்றும் வணங்கிடுவேன்.

புத்தாண்டின் பூரிப்பு.

http://worldtamilnews.com/

எனது கவிதை worldtamilnews. வானொலியில் ஒலிப்பரப்பாகிக்கொண்டிருக்கிறது. இந்த புத்தாண்டில் எனது கவிதை வானொலியில் வலம்வருவது மனம் நிறைந்த பூரிப்பாகவும் சந்தோஷமாகவும் இருக்கிறது.

இதை ஒலிபரப்பச்செய்து, எனது கவிதை tதனது கணீரென்ற அழகுக் குரலால் வாசித்துக்கொண்டிருக்கும் தந்தை திரு சாத்தாங்குளம் அப்துல் ஜப்பார் அவர்களுக்கு எனது நெஞ்சார்ந்த நன்றியை மனமாரச் சொல்லிக்கொள்கிறேன்

http://worldtamilnews.com/ .கவிதை கேளுங்கள் என்ற பட்டனை அழுத்துங்கள்.கவிதையை கேட்டு கருத்துகளை சொல்லுங்கள்..

இதோ யூ டியூப்பிலும் கண்டுகேட்க..

அன்புடன் மலிக்கா
இறைவனை நேசி இன்பம் பெறுவாய்.

குழந்தைகளின் மறுபக்கம்!

2012-01-02T12:02:00.004+04:00

இந்த கட்டுரை முத்துப்பேட்டை [அட நம்ம ஊர்தாங்கோ] குத்பா பள்ளிவாசல் திறப்புவிழா அன்று வெளியிடப்பட்ட சிறப்பு மலரில் வெளிவந்துள்ளது. இக்கட்டுரையின் கடைசியின் ஒரு பகுதி இப்புத்தகத்தில் இல்லை அச்சேறியதில் மிஸ்டேக் ஆகியிருக்கலாம் அல்லது நீளத்தின் அளவு கருதி குறைத்திருக்கலாம்...அதோடு எனதுபெயரிலும் சிறு[ தடு]மாற்றம் மலிக்கா ஃபாரூக். என்பதற்க்கு பதிலாக மாலிக்கா ஃபாரூக் ஹா ஹா.. இதோ உங்கள் பார்வைக்கும்.

நவநாகரீகத்தின் மிதமீறிய வளர்ச்சி, நாகரீகமற்ற மோகம்,தன்னிலை மறந்த செயல்கள். இதெல்லாம் மிக சர்வ சாதாரணமாகிவிட்டது இன்றைய காலத்தில்.இண்டர்நெட் மூலம்.முகநூல் அதாவது பேஷ்புக். மற்றும் இணைத்தின் வாயிலாக தொடர்புக்கொள்ளப்படும் யாஹூ. கூகுள்.எம் எஸ் என். ஸ்கைப்பி.மற்றும் மற்றவரை தொடர்புகொள்ள ஏதுவாக அதுவும் பல சமயம் ஃப்ரியாக கிடைக்கப்படும் அனைத்தும் தற்காலத்தின் மிக மிக அவசியமான ஒன்றானதாக ஆக்கப்பட்டுவிட்டது. எந்த ஒன்றையும் நாம் கையாளும் விதத்தை, மற்றும் அதைனை செயல்படுத்தும் முறையை தவறாக படுத்த ஆரம்பிக்கும்போதுதான் அது நமக்கே ஆபத்தாகவும், நமக்கு நாமே வைத்துக்கொள்ளும் ஆப்பாகவும் ஆகிவிடுகிறது. அதுமட்டுமல்லாது சினிமா சீரியல் என எவ்வகையில் முடியுமோ அவ்வகையில்.பச்சிளம் முதல் பருவம்வந்தவரை. வயதுவந்தவர்கள் முதல் திருமணமானவர்கள்வரை [சீரழிந்தும்]சீரழிய பலபலவகைகளில் தூபம் போடப்பட்டுவருகிறது.

தற்கால நாகரீக வளர்ச்சியில் இதெல்லாம் சர்வ சாதாரணமாகிவிட்டது என்றாலும் மனமும் உடலும் எக்காலமும் வகைபடுத்தப்பட்ட வரைமுறைக்குட்ப்பட்டு வாழநினைப்பதே வாழ்க்கையாகும் என்ற கோட்பாட்டுடன் வாழ்வோரும் வாழ்ந்துகொண்டுதான் வருகிறார்கள்.இன்றய தலைமுறையினருக்கு யாரும் எதுவும் கற்றுகொடுக்கவேண்டிய அவசியமில்லை எல்லாம் தாமாகவே தெரிந்துக்கொள்ளும் ஆற்றல்கள் உருவாகியுள்ளது அல்லது உருவாக்கப்பட்டுள்ளது. அப்படி எல்லாம் தாமாகவே செயல்படும்போதுதான் தம்மைச்சுற்றி என்ன நடக்கிறது என அறியாமலேயே பலநேரம் ஆபத்தில் சிக்கிக்கொள்கிறார்கள். இதில் பெற்றோர்களின் அலச்சியப்போக்கும்,தன் குழந்தைதான் அது எந்நிலையிலும் தவறே செய்யாது, என அதிகபட்ச நம்பிகையையும் அவர்களின்மேல் திணித்துவிட்டு அவர்கள் அவதியுறும்போது, வேதனைபட்டு அவர்களையும் வருத்தி தாமும் வருத்தப்படுவது நிகழ்காலத்தில் நடந்துக்கொண்டிருக்கும் ஒன்று.

”அதற்காக பெற்ற பிள்ளைகளை நம்பாமல் அவர்களை கண்காணித்துக் கொண்டேயிருக்கமுடியுமா? இது இன்றைய பெற்றோர்களின் கேள்வி. ”அப்படியில்லை” அவர்களின் மேலும் எப்போதும் ஒரு கண்பார்வையிருந்துகொண்டேக்கட்டும்.தக்ககவனிப்பும் இருக்கட்டும் ” அதையும்மீறி பல செய்கள் நடக்கிறதே என்ன செய்ய என்றால்” நம்மைமீறிய செயலுக்கு நாம் காரணமில்லை எனும்போது அதை எவ்வழியில் சென்றால் அதற்கான தீர்வு காணலாம் என்ற தெளிவு இருக்கவேண்டியதும். அதற்கான முடிவு எடுக்கவேண்டியதும் நம்மிடமே இருக்கிறது!

”சரி அப்படி எப்படிதான் அவர்களை கண்காணிப்பது” கண்கொத்திப் பாம்பாகவா?அல்லது செல்லுமிடமெல்லாம் கூடவே சென்றா? அல்லது எந்நேரமும் நோட்டம் விட்டுக்கொண்டே அலைந்தா? என்றால் அப்படியெல்லாம் அதிகப்படியாகவேண்டாம். இருந்தாலும் சில சமயம் அப்படி இருப்பதிலும் தவறில்லை. எப்போது நமது குழந்தைகளுக்கு 10 வயது ஆரம்பிக்கிறதோ! [தற்காலத்தில் அதுவே ஜாஸ்தி என நினைக்கிறேன் அதற்கு முன்பே]அதிலிருந்து அவர்களின் மீது மிக மிக அக்கரைகொள்வதும், தனிகவனம் செலுத்துவதும் ஒவ்வொரு பெற்றோரின் கடமை. அவர்களுக்கு புரிதல் வரும்.நல்லது எது? கெட்டது எது? என பிரித்துப் பார்க்கும் பக்குவம் வரும்வரை,

அவர்கள் என்ன செய்கிறார்கள். யாரோடு தொடர்பு வைத்துள்ளார்கள்.
எத்தனை தோழமைகள் உண்டு. யார் யார் வீட்டு இவர்கள் போவார்கள். யார் யார் இவர்களைத்தேடி வீட்டுக்கு வருகிறார்கள்.எதில் அதிகம் அக்கரை கொள்றார்கள். அது ஏன்?அவர்களுக்கு என்ன பிடிக்கும் என்ன பிடிக்காது. கணினியில் இருக்கையில் இவர்களின் செயல்பாடுகள் எப்படியிருக்கிறது. தானக மெல்லச்சிரிக்கிறார்களா! கணினியில் எத்தனை அக்கோண்ட் வைத்துள்ளார்கள்.தொலைபேசியில் எந்நேரமும் கையிலிருக்கிறதா? கேம் விளையாடுவதாக சொல்கிறார்களா? எனஅவர்கள் அறியாமலே அவர்களை கண்டும் காணாததுமாய் சிறு நோட்டம் அவ்வளவுதான். படிக்காத பெற்றோராக இருந்தாலும் தன் பிள்ளைகளின் ஒவ்வொரு அசைவையும் சிறிதளவுக்கூட உணரத்தெரியாதவர்களாக இருக்கமாட்டார்கள். அப்படியிருந்தால் அது பொடுபோக்குதனமாகதானிருக்கும்..

தற்கால சூழலில் சிலயிடங்களில் தாயும் தந்தையும் வேலைக்கு சென்றுவிட. அல்லது அவர்கள்கூடவேயிருந்தும் அவர்களை கவனிக்காது விட்டுவிட்டு, எல்லாம் ஒருநாள் அவர்களுக்கு தெரியதானே போகிறது, வருவது வரத்தான் போகிறது, எல்லாவற்றையும் பார்க்கதான் போகிறர்கள் என வெட்டிப் பேச்சி பேசிக்கொண்டு குழந்தைகளின் நிலைகளை, அவர்களின் செயல்பாடுகளை அறியத் தவறிவிடுகிறார்கள். அவர்களுக்கு என்ன தேவை என்பதைகூட சிலர் உணர்வதேயில்லை. அறிந்துகொள்ள முனைவதுமில்லை.கன்னியென்றில்லாமல் கல்யாணம். மலடி என்றில்லாமல் மழலைகள். இதுபோல் வாழும் குடும்பங்களை ஏராளம். இதுவல்ல வாழ்க்கை தன்குழந்தை தன்கண் முன்னே சீரழிவதை பார்ப்பது எவ்வளவு அறிவீனம். தாமாகபோய் இடித்துக்கொண்டு நிலை இடித்துவிட்டதென்றும், தெருவில் நடக்கும்போது வழியில் கிடந்த முள்மீது தானே கால்வைத்துகுத்திக்கொண்டு முள் குத்திவிட்டது என முள்மீது குற்றஞ்சுமத்துவதுபோலவும். எதெற்கெடுத்தாலும். தற்காலத்தின்மேல் பழி. காலச்சூழல்மேல் குற்றம்.என அடுதவர்மீதே பழிபோட்டு வாழபழகிகொண்டால்.பின்பு நஷ்டம் யாருக்கு?

இன்றைய சூழலில் எப்பக்கம் திரும்பினாலும் நாகரீக மோகம். அந்த நாகாரீகத்துக்கு மோகக்குள் சிக்கிகொள்ளும் காலமாகிவிட்டது. இதில் நல்லதைவிட கெடுதியே மிதமிஞ்சிக்கிடக்கிறதென்பதை அறியாமலே அந்த மோகச்சூராவளியில் சிக்கி சின்னாபின்னாமாகிவிட முண்டியடித்து நிற்கிறது இன்றைய தலைமுறை. அவர்களிடம் எடுத்துசொன்னாலும், விளாங்காமல் விளக்கைத்தேடிவிழுந்துமடியும் விட்டிலாகவே நினைக்கிறது. அவர்களை நல்வழிப்படுத்த சற்று அல்ல மிக அதிகமாகவே பெற்றோர்கள் சிரத்தை எடுக்கவேண்டியுள்ளது. எடுத்துதான் ஆகவேண்டும் ஏதோ பெற்றோம் வளர்த்தோம். எதிர்வீட்டு, பக்கத்துவீட்டு பசங்க படிக்கிறாங்க அதைவிட நல்ல மார்க் எடுக்கவேண்டும் என அவனெதிரே இவனை மட்டம்தட்டிபேசி இருக்கும் கொஞ்ச நஞ்சத்தையும் போக்கிவிட்டு பின்பு அச்சோ இப்படியாகிபோச்சே அவனால கெட்டான். இவனால கெட்டான் என புலம்பிக்கொண்டிருப்பதில் எவ்விதத்திலும் நியாயமில்லை. நீங்கள் பெற்றடுத்த பிள்ளைகள்தான் உங்களை மீறிவிடாது என்ற எண்ணம் இருக்கலாம் அதை மிகைப்படுத்திவிடாதீர்கள் அதுவே அவர்களுக்கு சிலநேரம் வரம்பு மீறவும், அதன் பாதிப்பால் நம் பெற்றோர்கள் நமக்கு கொடுத்த நல்ல வாய்ப்பை பாழ்படுத்திவிட்டோமென்ற குற்றவுணர்வையும் அவர்களுக்குள் ஏற்பட வைத்துவிடாதீர்கள்.

பொது இடங்களுக்கு அவர்களை அழைத்துச்செல்லும்போது சற்றல்ல மிகவும் கவனமாக இருங்கள்.அலைபாயும் வயதில் அணையை மீறிடாதவறு அதேசமயம் நம்முடைய செயல் அவர்களை எவ்விததிலும் பாதித்திடாதவாறு அவர்களை கண்கானியுங்கள்.அவர்கள் வாழ்க்கை அவர்கள் கையிலில்லை நம்கையில்தான். அவர்களாக முடிவெடுக்கும் காலம்வரும்போது, அது சரியா? தவறா? எனப்பாருங்கள் நல்லதென்றால் ஏற்றுக்கொள்ளுங்கள். கெட்டதென்றால் எடுத்துச்சொல்லுங்கள். பெற்றோராகிய நம்மீது பொறுப்புகள் அதிகமிருக்கு. எனக்கும் திருமணம் ஆகிவிட்டது நானும் குழந்தை பெற்றுவிட்டேன் என்பதற்காக மட்டுமல்ல. மனித வாழ்க்கை மிகுந்த மகத்துவமிக்கது.இது ஒரு அற்புதமான வாழ்க்கை.இதை நாமும் வாழ்ந்து அதை நம் சந்ததிகளையும் சிறப்பாக வாழவைத்துப் பார்ப்பதே நம்முடைய மிகப்பெரிய கடமை. அதையுணர்ந்து செயல்பட்டால் நம்குழந்தைகள் மிகசிறப்பாக வாழ்வதோடு அவர்களுடைய சந்ததிகளையும் சிறப்பானதாக உருவாக்குவார்கள்.

ஒருகுழந்தை நல்லவர்கள் ஆவதும் கெட்டவர்கள் ஆவதும் நிச்சயம் பெற்றோர்களின் பொருப்பில் இருக்கிறது. நம் குழந்தைகளின் மறுபக்கம் மிக தூய்மையானதாகவும் அது பெற்றோர்கள் வளர்த்த பொக்கிஷமாகவும் இருக்கவேண்டும்.

பெற்றோர்களே! உங்கள் குழந்தைகளின் விசயத்தில் மிகுந்த கவனமாகவும். மிகுந்த பொருப்புடனும் அக்கரையுடனும் இருக்கவேண்டியது உங்களின் தலையாயக்கடமை. உலக்கல்வியோடு மார்க்க கல்வியையும் கற்றுக்கொடுங்கள். தூய்மையான மார்க்கத்தை அவர்கள் அறிந்துகொள்ள வழிவகுத்துக்கொடுங்கள். எந்நிலையிலும் தொழுகையை விட்டுவிடாமல் தொழுகச்சொல்லி கற்றுக்கொடுங்கள். அதுவே அவர்களை நழ்வழிப்படுத்த முன்வந்துநிற்க்கும்.ஈமானோடு சேர்ந்த உலகக்கல்வியை ஊட்டுங்கள் அதுவே. அவர்களின் ஈருலக வாழ்க்கைக்கும் ஈடேற்றம்தரும்படி செய்து, உங்களுக்கும் ஈருலகிலும் ஈடேற்றம் கிடைக்க வகைசெய்யும்.

எல்லாம் வல்ல இறைவன் நம் அனைவருக்கும் ஈருலகிலும் நற்பதைவியையும். நல்லருளையும். தந்து நம்மை நல்லோர்களின் கூட்டத்தில் சேர்த்து சிறப்பிப்பானாக!ஆமீன் ஆமீன் யாரபல் ஆலமீன்..

300 வருடம் பழமைவாய்ந்த இப்பள்ளி மறுசீரமைத்து மிக அழகியமுறையில் கட்டப்பட்டுள்ளது.
பள்ளியின் திறப்புவிழா மிக மிகவிமர்சையாக சிறப்பாக நடைபெற்றது. புகைப்படங்களை இங்கே காண்க. முத்துப்பேட்டைக்கு மற்றுமோர் சிறப்பு இப்பள்ளி..

அன்புடன் மலிக்கா
இறைவனை நேசி இன்பம் பெறுவாய்.

நிம்மதியென்னும் வெளிச்சத்தில்.

2011-12-31T20:47:00.007+04:00

கடந்தவைகளில்

கசப்பானவைகளை கடத்திவிடு

மனதைவிட்டு வெகு தூரம்

நடந்தவைகளில்

கெட்டதைதவிர நினைத்துக்கொண்டிரு

நெஞ்சின் ஒரு ஓரம்

நாட்களில் ஏதுமில்லை

நல்ல நாள்

கெட்ட நாளென்று

நேரத்தில் ஏதுமில்லை

நல்ல நேரம்

கெட்ட நேரமென்று

எல்லா நாட்களும்

நல்ல நாட்களே!

என்றெண்ணும் மனமிருந்தால்

எல்லா நேரமும்

நல்ல நேரமே!

என்றெண்ணும் தெளிவிருந்தால்

எந்நாளும் பொன்னாளே

எந்நேரம் பொன்னேரமே

விடியும் ஒவ்வொரு பொழுதிலும்

வெளிச்சமுண்டாகி

இருளகற்றுவதுபோல்

இப்பிரபஞ்சத்திலுள்ள

இதயங்களனைத்தும்

புதிதாய் பிறக்கும்

ஒவ்வொரு பொழுதும்
நிலவு ததும்பும்
நீரோடையாகட்டும்

நாளும் பொழுதும்
நிம்மதியென்னும் வெளிச்சத்தில்

நீராடட்டும்...

டிஸ்கி// வீண்விரயமானகும் புத்தாண்டு கொண்டாட்டத்தை தவிர்த்து.எந்நாளும் மனம் மகிழ்ச்சியில் திழைக்கவும். நிம்மதிகள் தழைக்கவும்.நாடு நலம் பெறவும். நல்லவர்கள் பெருகவும். வறுமைகள் நீங்கவும். வருமானம் செழிக்கவும். மனமுருகி இறைவனிடம் வேண்டுங்கள்.

அன்புடன் மலிக்கா
இறைவனை நேசி இன்பம் பெறுவாய்.

ஓய்வு கேட்க்கும் கனவு.

2011-12-28T14:57:00.005+04:00

கனவுக்கும் உணர்வுண்டு

கண்களைவிட்டுச் செல்லாதே!

காண்பதெல்லாம் கனவென்று

கண்களும் சொல்லாதே!

விழிகள் விழித்திருக்க

வெருங்கனவு காணாதே!

வெளிச்சத்தை விட்டு விட்டு

வேறொரு இருளுக்குள் போகாதே!

கனவுகள் மெய்படும்வரை

காட்சிகளும் நகராதே!

கனவுகள் தேயும்வரை

கருவிழியும் சடைக்காதே!

காலங்கள் தீரும்வரை

கனவுகள் ஓயாதே!

கனவுகளும் ஓயாதே

கல்லறைக்கு போகும்வரை.........

இக்கவிதை முதுகுளத்தூர்.காமில் வெளிவந்துள்ளது..

நன்றி முதுகுளத்தூர்.காம்

அன்புடன் மலிக்கா
இறைவனை நேசி இன்பம் பெறுவாய்.

மனம் மணக்கும் திருமறை மனனம்.

2011-12-22T21:17:00.000+04:00

கிளிக்

இறைவனின் சாந்தியும் அருளும் அனைவர்மீதும் அளவில்லாமல் பொழியட்டும்.

அளவற்ற அருளாளன் நிகரற்ற அன்பாளன் அல்லாஹ்வின் அழகிய திருப்பெயரால்...

எல்லாம் வல்ல இறைவன் இந்த உலகைப் படைத்து அதில் எல்லாவித ஜீவராசிகளையும் படைத்து. நீர் நிலம். நெருப்பு. காற்று. ஆகாயம் என அதில் சகல வசதிகளையும் அமைத்து. அனைத்திலும் சிறப்பாக மனிதர்களையும் படைத்து அந்த மனிதர்களுக்கு தேவையாக தான் படைத்தவைகளை உருவாக்கிய இறைவன். மனிதன் அதை எவ்வாறு பயன்படுத்த வேண்டும். இவ்வுலகில் எப்படி வாழவேண்டும். எப்படிஉண்ண வேண்டும் எப்படி உடுக்க வேண்டும். என்பது தொடங்கி, மனிதனின் சிறு சிறு அசைவுகளும் எப்படி இருக்கவேண்டும் எனவும். இவ்வுலகில் வாழும் வாழ்க்கை முறையை அழகுற மிக நேர்த்தியாக வாழ வகைப்படுத்தியும்.

மனிதன் எதை செய்தால் நன்மைகள். எதைச்செய்தால் தீமைகள். என பட்டியலிட்டும்.

மனிதர்களோ! ஜின்களோ! மகான்களோ! தீர்க்கதரசிகளோ! யாருமே வகுத்திடாத! இனியும் வகுத்திட முடியாத. வானம்முதல் பூமிவரை அதில் அசையும் அசையாத. உயிருள்ள உயிரற்ற. உணர்வுள்ள உணர்வற்ற. அத்தனைக்கும்.மனிதர்கள் முதல் ஜீவராசிகள்வரை. ஜனனம் தொடங்கி மரணம்வரை.வாழ்க்கைதொடங்கி வயோதிகம்வரை. வாணிபம்முதல் வரவுசெலவுவரை.உலகில் படைக்கப்பட்ட அனைத்திற்க்கும்
ஒரே வழிகாட்டியான அருள்மறையாம். இறைவனின் இறைத்தூதர், இவ்வுலகின் இறுதித்தூதர், கண்மணியாம் நபிகள் நாயத்தின் மூலம் இவ்வுலக்கு புனித மாதமான ரமளான் மாதத்தில் அருளப்பட்ட இறைவேதம்தான் அகிலத்திற்க்கும். அதில்வாழும் அனைத்திற்க்கும் நேர்வழி காட்டக்கூடிய திருமறை குர்ஆன்.

அதனை தினமும் பொருளறிந்து ஓதிவருவது இவ்வுலக வாழ்க்கையும். மறுவுலக வாழ்க்கைக்கும். மிகவும் பயன்தரக்கூடியது. அதனை மனனம் செய்வதென்பது மிகவும் பாக்கியமானது. முறைப்படி மனனம் செய்வதோடு அதன்படி செயலாற்றுவது அதனினும் சிறப்பு. அப்படியான ஒரு அரிய செயலை செய்துகொண்டிருக்கும் ஹாபீழ்களை தேர்வுசெய்து அவர்களை கண்ணியப்படுத்த முடிவுசெய்து. போட்டி ஒன்று ஏற்பாடு செய்து. அதன் இறுதிபோட்டியை இன்ஷா அல்லாஹ் வரும் வியாழக்கிழமை நடத்தவிருக்கிறார்கள்.

இதோ அதன் விபரம்..

கண்ணாடி வாப்பா ஹமீதிய்யா அரபுபிக் கல்லூரி,

அல்ஹாஜ் பி.எஸ். அப்துல் ரஹ்மான்

ஆகியோர்

வழங்கும்

மூன் டி.வி.யின்

ஆற்றல்மிகு ஹாபிழ் யார்?

மறைக் குர்ஆன் மனன இறுதிப்போட்டி

இன்ஷா அல்லாஹ் வருகிற 29.12.2011 வியாழக்கிழமை காலை 9:00 மணியளவில்

கீழக்கரை கண்ணாடி வாப்பா அரங்கத்தில் [திருமண மஹாலில்] நடைபெற உள்ளது.

ஷாஹூல் ஹமீது ஆலிம் ஜமாலி

மற்றும்

Dr.சுஐபு ஆலிம்

ஆகியோரின் முன்னிலையில் மிக பிரமாண்ட முறையில் நடைபெறவுள்ளது. ஆகவே தாங்கள் இந்நிகழ்ச்சிக்கு வருகை தந்து சிறப்பித்து தருமாறு அன்புடன் வேண்டுகிறேன்.

இஞ்ஞணம்

சுலைமான் மஹ்ளரி

மூன் தொலைக்காட்சி தலைமை நிகழ்ச்சி ஆலோசகர்
சென்னை.

இன்ஷாஅல்லாஹ் இப்படியொரு அரிய நிகழ்ச்சியை நேரில்காண அனைவரையும் அன்போடு அழைக்கின்றேன். இறைவன் நாடினால் நாம் அனைவரும் கீழக்கரையில் சந்திப்போம்..

இதுபோன்று நமது குழந்தைகளுக்கும் வல்லரஹ்மான் தவ்ஃபீக் செய்வானாக! ஆமீன் என்று பிராத்தித்தவளாக

உங்களை அனைவரையும் ஆவலோடு எதிர்பார்க்கும் என்றும் உங்கள்

அன்புடன் மலிக்கா

இதைபற்றி கருத்துக்களோ வாழ்த்துகளோ தெரிவிக்க விருப்புவோர்கள்
மெளலவி ஆலீம் சுலைமான் மஹ்ளரி
மூன் தொலைக்காட்சி தலைமை நிகழ்ச்சி ஆலோசகர் அவர்களின்
அழைபேசியில் தொடர்புகொள்ளவும்..

அழைபேசி எண்:8754502557

அன்புடன் மலிக்கா
இறைவனை நேசி இன்பம் பெறுவாய். .

உணர்வுகளுக்கு கொடுத்த ஊக்கம்..

2011-12-17T13:08:00.003+04:00

உணர்வுகளின் ஓசைக்கு அன்போடு வாழ்த்துரை வழங்கிய சகோதரர். நர்கீஸ் இதழ் கெளரவ ஆசிரியரும் மற்றும் பிரபல இஸ்லாமிய நாவலாசிரியருமான டாக்டர் ஹிமானா சையத் அவர்களுக்கு என் வாழ்நாள் முழுவதுமான நன்றிகள்.

திருச்சி எழுத்தாளர் அண்ணன் சையத் அவர்கள் சொல்லி மெயில்வழியே அறிமுகமான சகோதரர் அவர்கள்தான் டாக்டர் ஹிமானா சையத் அவர்கள். நர்கீஸ் நடத்திய சர்வதேச போட்டியில் கலந்துகொள்ள எனது கவிதைகளை கடைசி நிமிடத்தில்தான் அனுப்பினேன். அதில் ஆறுதல் பரிசுகளாக இரு கவிதைகளுக்கு 2000ம் பெற்றேன். அவர்களின் சகோதரத்துவமான தொடர்புகள் மெயில்வழியே தொடர்ந்தது, அப்போதுதான் எனது முதல் கவிதை நூலுக்கு அவர்களிடம் வாழ்த்துரை வாங்க நினைத்து மெயில் அனுப்பினேன். மறுப்பேதும் சொல்லாமல் என் கவிதைகளை அனுப்பச்சொன்னார்கள். அனுப்பியதும் அதற்கான வாழ்த்துரை என் உணர்வுகளுக்கு வந்தது. அதனைக்கண்டதும் இரட்டிப்பு சந்தோஷம் ஏன் தெரியுமா? எனது மச்சானைப்பற்றி அவர்கள் அதில் குறிப்பிட்டு இருந்ததுதான்.

ஒளிதரும் வெளிச்சத்தைதான் பார்க்கிறோம் அதற்காக உருகும் மெழுகையாரும் உணர்வதில்லை. ஆனால் அதை உணர்த்தும் விதமாக சகோதரர் அவர்கள் தனது வாழ்த்துரையில் குறிப்பிட்டிருந்தது நெஞ்சுக்குள் மகிழ்வை குளிரச்செய்தது.அவர்களின் நல்ல மனதிற்க்கு இறைவன் அவர்களுக்கு ஈருலகிலும் நற்பாக்கியத்தை வழங்குவானாக..

இதோ அவர்கள் வழங்கிய வாழ்த்துரை..

சகோதரி மலிக்காவின் கவிதைகள் சமீபத்தில்தான் அறிமுகம்.

நர்கிஸ் இதழ்- மல்லாரிபதிப்பகம் இணைந்து நடத்திய சர்வதேச கவிதைப் போட்டியில் கடைசி நேரத்தில் அவர் கலந்து கொண்டார்; ஆறுதல் பரிசுகளையும் வென்றார்.

இப்போது தினமும் அவரது பழைய - புதிய கவிதைகளை வலைத்தளத்தில் வாசிக்கிறேன் என்பதை விட வாசிக்க வைக்கிறார் என்பேன்.

அவரது சுறுசுறுப்பு வியக்கவைக்கிறது!எளிய வார்த்தைகளில் அவர் பேசுகிற கருத்தாக்கம் நீண்ட நேரம் சிந்திக்க வைக்கிறது!

'உரிய வாய்ப்புகள் தரப்பட்டால் முஸ்லிம் பெண்கள் குடும்பத்தின் 'சுமை'யாக இல்லாமல், 'சொத்தா'க மாறுவார்கள்' என்று 35 ஆண்டுகளுக்கு முன் நானும் என்னைப் போன்றவர்களும் எழுதியபோது/ பேசியபோது சிலர் இளக்காரமாகப் புன்னகைப்பார்கள். ஆனால், இப்போது அந்த நிலை வெகுவாக மாறியிருக்கிறது!

தங்கை மலிக்காவின் கணவரை நான் பெரிதும் பாராட்டுகிறேன். பல ஆயிரம் சரசரிகளுக்கு மத்தியில் அவர் ஓர் அபூர்வ மனிதர்!

மலிக்காவை - அவரது திறமையை அறிந்து இயல்பாக இயங்க விட்டமைக்காக எத்தனை பேர் பரிகசித்திருப்பார்கள் என்பதை என்னால் யூகிக்கமுடியும்.

எத்தனை பாத்திமாக்கள், ஆமினாக்கள், ஹாஜராக்கள், ஜரீனாக்கள் எழுத்துலகத் தொடுவானத்தில் பளிச்சிட்டு -மிகப் பெரிய எதிர்காலத்துக்கு முன்னுரை எழுதியும்,திருமணத்துக்குப் பின் காணாமல் போனார்கள், வாழப்போன வீடுகளின் ஒத்துழைப்பும் ஊக்குவிப்பும் இல்லாமையால் என்பதை நான் நன்கு அறிந்தவன் என்பதால், மலிக்காவின் கணவர் நம் நன்றிக்குரியவர் என உரக்க முழங்குகிறேன்.

எழுத அனுமதித்ததுடன், அவரது ஆக்கங்களை நூலாக்கவும் ஏற்பாடு செய்திருக்கிறார் என்பதை அறிந்து நான் மிக்க மகிழ்ச்சியடைகிறேன்.

உளம் நெகிழ வாழ்த்துகிறேன்; தங்கை மலிக்காவின் எழுத்துல வெற்றிக்கு என்னுடைய பிரார்த்தனைகள்!

மிக்க அன்புடன்...
ஹிமானா சையத்
சிங்கப்பூர்
+65- 92717237
himanasyed@yahoo.com
himanasyed@gmail.com

அன்புடன் மலிக்கா
இறைவனை நேசி இன்பம் பெறுவாய்.

சஞ்சாரமிடும் நினைவுகள்.

2011-12-12T13:27:00.002+04:00

வான நிலப்பரப்பில்
மின்னல் கீற்றில்
முடைந்த பாயொன்றை
மெல்ல விரித்து
மெளனப் புன்னகை பூத்தபடி
முகங் கவிழ்ந்து கிடக்கிறேன்

ஒவ்வொரு நட்சத்திரங்களும்
ஒளிக் கதிர்களை பாய்ச்சிட
உன்பார்வை தந்த ஸ்பரிசங்கள்
உள்நெஞ்சில் ஊஞ்சலாட
உள்ரங்க அறைகளெல்லாம்
ஒளிவெள்ளம் பரவக் காண்கிறேன்

வனாந்திரக் காட்டில்
வாகை சூடிய மேகங்கள்
வலம் வரும் வேளையில்
வண்ண மயிலொன்று
தோகை விரித்தாடும் நிலையில்
துள்ளியாடி மகிழ்கின்றேன்

மெளனங்கள் மேடையமைத்து
மொழிபெயர்த்து வாசிப்பதை
முற்றத்து நிலவாகி பார்த்து
மூங்கில் காதுகொண்டு கேட்டு
மெல்ல மெல்ல ரசித்து
மெய்மறந்து சிரிக்கின்றேன்

வளமில்லா வயல்கள்
வாட்டம் காணும்நேரம்
நிலமெங்கும் நீர் பாய்ச்ச
நீச்சலடிக்கும் பயிர்களைபோல்
நீயகன்று திரும்பவரும் நேரத்தில்
நெஞ்சம் குளிர்ந்து நீந்துவதை ரசிக்கின்றேன்

சஞ்சாரமிடும் நினைவுகளில்
சல்லடையாக்கி போகின்றேன்
சாரல்கொண்ட தூறலிலும்
சந்தோஷமாய் நனைகின்றேன்
சருகுகளின் சத்ததிலும்
சங்கீத ஒலி கேட்கின்றேன்

இவையத்தனையும் உணருகின்றேன்
இரவில் கனவுக்குள் உலவுகின்றேன்
இடையில் கற்பனைகள் புகுந்தாலும்
இதயக்கூட்டுக்குள் இன்புருகின்றேன்
எனக்குள் உன்னைக் காண்கின்றேன்
என் நினைவெல்லாம் நீயாகிப் போகின்றேன்..

அன்புடன் மலிக்கா
இறைவனை நேசி இன்பம் பெறுவாய்.

பச்சோந்தி பாசங்கள்..

2011-12-10T12:24:00.003+04:00

இருதயம் தாண்டி
இறுக்கம் இறுக்கியிருக்கும்
இன்னலிலும் தேடிவந்து பங்குபோடும்
எதுவரை சென்றபோதும் கூட வரும்
என்ன ஆனாலும் கைகோத்திருப்பேன் உறுதிதரும்

அணைத்து நின்ற சொந்தங்கள்
அக்குவேராய் ஆணிவேராய்
அகழும் தருணம் –அவ்வேதனையை
தாங்காத நெஞ்சம்
தனிமையில் சிதைந்து வாடும்

வரவுகளின் எடை கொண்டே
வருகைகளின் எடை அதிகரிக்கும்
வரவில் கொஞ்சம் சரியல் கண்டால் –தூர
விலகியிருந்தே விசாரிக்கும்
விரும்பிய விழிகள் கூட
வெருப்பைக் கக்கும்
வேண்டாமிந்த உறவு என்றே
வெருண்டோடிப் போகும்

ஏற்ற இறக்கம் காணாத்துபோல
ஏளனம் பேசும்
ஏனென்று கேட்கக்கூட திராணியற்க்கும்
ஏறுமுகம் ஒன்றேதான்
ஏற்றமென்று சாடை பேசும்

ஒன்றுமில்லையென்று அறிந்தபின்னே
ஒன்றுகூடி எள்ளி நகையாடும்
ஒட்டுவுறவெல்லாம் சட்டென விலகியோடும்
உறவுகள்கூட மெல்லமெல்ல கலைந்துபோகும்
உதவிகள் செய்யக்கூட அஞ்சும் நெஞ்சம்
உபத்திரம் செய்வதற்கோ ஓடோடிவரும்

காசேதான் கடவுளென்று அடித்துபேசும்
கடன் கேட்டுவிட்டால்
கண்ணைச் லேசாய் சுணங்கிக் காட்டும்
பாசங்கள்கூட வேசம்போட்டு மோசம் செய்யும்
பச்சோந்திகளாக மாறி மாறி நடித்துக் காட்டும்

எச்சக் கையை உதறினால் தானே
கூடும் காக்காய் கூட்டம்
ஏதுமில்லையென்றால்
எவ்வளவு பெரிய மனிதரானாலும்-வெரும்
கூடாய் அலையும் உணர்வற்ற ஜடம்...

அன்புடன் மலிக்கா
இறைவனை நேசி இன்பம் பெறுவாய்..

பாவிகளே!

2011-12-05T14:44:00.004+04:00

தனிமையைப் போக்கி

வெருமையை நீக்கி-

வெற்றிடத்தை நிரப்பி

தாய்மை வரம் வேண்டியுருகும்

தாய்வயிற்றில் உருவாகாமல்

தத்தாரிகளாகத் திரிந்து

தாசிகளாய் அலையும்

தறுதலைகளின் வயிற்றிலா?

ஈறைந்து மாத

இருட்டறை சிறைவாசம்

கிடைக்கவேண்டும் எங்களுக்கு!

ஈன்றெடுத்த பந்தம்

தொடர்ந்துவிடுமென அறிந்து

தொட்டுக்கூட பார்க்காமல்

தொப்புள்க் கொடியையும் அறுக்காமல்

தூக்கி எரியப்படுகிறோமே!
துடிக்கும் உணர்வுகள் அடங்காமலே!

சிறைவாசம் நீங்கி

சிலிர்க்கும் தேகம்

சிலநொடிகளுக்குள்

சில்லிட்டு அடங்குகிறதே!

பனிக் குடத்தில் நீந்திய உடல்

சனிக் குளத்தில்

உயிருக்கு போராடியபடி!

சாதி சனமற்று

சமாதியாக வழியற்று

சாக்கடையில் மிதக்கிறதே!

எங்களின் உயிரற்ற உடல்

மானமிழந்தவர்களின் சந்ததிகளாய்

மரகட்டையானபடி!

பாவிகளே!

இரக்கமில்லையா?உங்களுக்கு
இல்லை

இதயமென்பதே இல்லையா?
உங்கள் தேகத்துக்குள்!

இரக்கமற்ற அரக்கர்களே!
மனிதகுல துரோகிகளே!

நீங்கள் செய்யும் பாவத்துக்கு

தண்டனைகள் எங்களுக்கா!
மண்ணில் உலவும் மாபாவிகளே!

டிஸ்கி// என்னக்கொடுமையிது முகநூலில் இந்தபோட்டோவைபார்த்ததும் மனம் சற்றுநேரம் விம்மி கரைந்து துடித்தது. இப்படியெல்லாம் கூட செய்வாங்களா பாவமல்ல இக்குழந்தைகள். என்ன மனித ஜென்மங்கள் ச்சே.../

அன்புடன் மலிக்கா
இறைவனை நேசி இன்பம் பெறுவாய்.

கெளரவமாய் காக்கும் அசிங்கங்கள்..

2011-11-25T09:20:00.063+04:00

தன் வயலில் வேறொருவரின் விதை
வேரூன்றி காலூன்றியதைக் கண்டும்
காணமல் காக்கிறதாம் கெளரவம்
தான்கட்டும் வேட்டியில் கறைபட்டுவிடாமல்

கூச்சநாச்சமற்று கொஞ்சி சிரிக்க
கூசாதோ உள்ளம்
கூடிக் களித்தால் நீங்கிடுமோ!
கறைபட்டதெல்லாம்!

அச்சாணி கழண்டு
அஞ்சாமல் ஓடும் வண்டி
எச்சாணியாலும், எச்சிலையானாலும்
ஏறிமிதித்தோடுமோ
எல்லைகளைத்தாண்டி!

மந்திரத்தால் காய்க்குமோ வாழை
மானமிழந்து வாழுமோ மானின் தசை
கெளவுரத்தைக் கட்டிக்காக்கும் மீசை
குலத்தை குலைக்க வகுக்கிறதே
கேடுகெட்டபாதை

கூரைவீடுகளில் புகையமுற்ப்பட்டாலும்
கொழுந்துவிட்டெறிகிறது
தெருக்கோடிவரை
கோடிவீடுகளில் பற்றியே எறிந்தாலும்
கசியக்கூட மறுக்கிறது
தன்வாசல்வரை

வெக்கமற்ற வாழ்க்கை வாழும்
வெம்புழுக்களோ
வீதியில் மட்டும் காட்டும் வீராப்பு
வீட்டுக்குள்ளே போடும் மாராப்பு

வசைபாடும் சமூகம்கூட
வக்கனையோடு வாரியணைக்கிறது
வகைகெட்ட வகையார்களை
வாழையிலை பரிமாறி!

கண்ணிருக்கு பார்க்க
என்றிருக்க முடியாத -சில
எண்ணங்கள் மட்டுமே
கொதித்தெழுகிறது
அதுவும் வீட்டடுப்பில்
கொதித்தடங்கும் வெந்நீரைப்போல!!!.

அன்புடன் மலிக்கா
இறைவனை நேசி இன்பம் பெறுவாய்..

ஜீவராகம்..

2011-11-20T20:16:00.001+04:00

நானும் நீயும் ஒன்றடா-என்

நாணம் சொல்லும் கேளடா

உன்வார்த்தை ஒன்று போதுமே

என் ஜென்மம் நீளுமே!

காற்று உந்தன் காதிலே

எந்தன் காதல் வந்து சொல்லுமே

அதை கேட்டு நீயும் பாரடி

உனைத் தேடுமென் ஜீவனடி

வான வீதிப் பாதையில்

வாசம் வீசும் பூங்குயில்

ராகம் சொல்லி பாடுதடா

ரகசியமாய் தினமும் தேடுதடா

உயிரும் மெல்ல உருகுதடி-அதில்

ஊணும் சேர்ந்து கரையுதடி

உண்ணும் உணவும் யாவுமே

உன் நினைவாய் உடலில் சேருதடி

நானும் நீயும் ஒன்றடா -அந்த

நாளும் பொழுதும் ஒன்றடா

நகரும் நொடியும் ஒன்றடா

நம் காதலும் அதனினுல் நன்றடா

காலந்தோரும் உன்னுடன்

கைசேர்ந்து கலந்து வாழனும்

இறுதி மூச்சு நாள்வரை-நம்

இதயம் இணைந்தே இருக்கனும்

வானம் பூமியாவுமே-நம்மை

வாழச்சொல்லி வாழ்த்துமே -அந்த

வசந்தமும் நம்முடன் சேர்ந்துதான்

விளையாடி மகிழுமே!

”நானும் நீயும் ஒன்றடா”

”நம் ஜீவன் இரண்டும் ஒன்றடி”

டபுள் டிஸ்கி//இதையெல்லாம் பாட்டுன்னு நெனச்சி யாரும் பாடிடாதீங்கோ சும்மா ஒளறி வச்சிருக்கோம் அவ்வளவுதேன் ஹா ஹா

சேதி தெரியுமா இப்படி நாம ஒளறி வக்கிறதக்கூட சுட்டுகிட்டுபோய் அவங்க எழுதின பாட்டா போட்டுக்கிறாங்கன்னு ஒருத்தர் வழக்கு தொடர்ந்திருக்காம். ஒன்னோடதெல்லாம் யாரு சுடுவாங்குறீங்களா அதுவும் சரிதான் ஹி ஹி

அன்புடன் மலிக்கா
இறைவனை நேசி இன்பம் பெறுவாய்.

சுடாமல் சுடுதே!.

2011-11-17T20:53:00.005+04:00

சூடா ஒரு டம்ளர் டீ கிடைக்குமா? என்னது டீயாஆஆஆஆஆஆஆஆஆஆஅ

இனி அடிக்கடியென்ன ஒருகடிக்கூட டீக்குடிக்க யோசிக்கனுமோ????

[”அம்மா பால்”. ”போப்பா வாரம் ஒருதரம் வந்தாபோதும் போயிட்டுவா].
அடிய்யே தங்கப்பொண்ணு டீயா போட்டிருக்கே தலைய வலிக்கிறமாதரியிருக்கு ஒரு கப்பில் கொஞ்சம் தருகிறாயா இதோ வாரேன்..]

ஆகாகா இனி பக்கத்துல போகிற பஸ்ஸை பாக்குறத்துக்கும் யோசிக்கனுமோ????

[பஸ்ஸில் ஏறினா நிக்கிறவங்களுக்கு அதே காசுதான்! உக்காந்துள்ளவங்களுக்கும் அதேகாசுதான்! அப்ப இனி பாக்குறவங்களுக்கும் கேப்பாங்களோன்னுதேன் அதுவும் டபுல்மடங்கில்]

அதைவிட இனி பதிவுபோடக்கூட யோசியோ யோசின்னு யோசிக்கனுமோ????

பின்ன பில் எலக்டிக் பில் எகிரிடுமாமே அப்ப பதிவுபோட கணினிக்கும் கரண்ட் தேவை அதை ஆப்ரேட் பண்ணுகிற நம்ம கண்ணுக்கு வெளிச்சவேணுமுன்ன ஒரு லைட் தேவை அப்போ டபுள் டிபுளாகிடுமேன்னுதாங்கோ!..
-----------------------------------------------------------------

அடடா எப்படியெல்லாம் சோதனை சுத்தி சுத்தி அடிக்குது

இதெல்லாம் நீ ஊருக்குள் வந்ததால்தானா. அதுசரி..

“ஏண்டிமா மல்லி ஊருக்குள்ள காலெடுத்து வெச்சே நீ துபாயிலே இருந்திருக்ககூடாதா இப்ப பாரு இங்க என்னவெல்லாம் நடக்குதுன்னு.”

ஹூம் இன்னும் என்னனமோ நடக்குமோ தெரியலையே!சரி சரி எப்போ போறே!

விஷா ரெடியாச்சா இல்லயா? கெளம்பு கெளம்பு நீ ஊருக்கு வந்திருந்ததுபோதும்..

அன்புடன் மலிக்கா
இறைவனை நேசி இன்பம் பெறுவாய்.

பொசு[ங்]க்காதே!

2011-11-15T09:48:00.003+04:00

பெண்ணுக்கு பெண்ணே

பேரெதிரியாகுமோ!

பொல்லாத பொறாமையால்

பூமியே புதைந்து போகுமோ!

பொருமைக் கடலென்றும்!

பூமித் தாயென்றும்!

சாந்த சொரூபமென்றும்!

சர்வமே நீயென்றும்!

சொல்லிச் சொல்லியே

சாந்தமான நீ

சர்வதிகாரியாகிறாயோ!-பிறரை

சந்தியில் நிறுத்தப்போகிறாயோ!

வீசுதடி விசக்காற்று-உன்

வார்த்தைகளில் வீரியத்தில்

குத்திக்காட்டல் வழியாக!

குடும்பம் குலைக்கும் கருவியாக!

வழியசென்று வம்பிழுக்கும்

வரைமுறையற்ற பேச்சாக!

உள்ளம் கொல்லும் விசக்காற்று

வளைத்து வளைத்து வீசுதடி!

ஊதலில்லாமல் பரவிப் பரவி

உலகையே அழிக்க நினைக்குதடி!

உன்னிணத்தை எப்போதும்

எண்ணனுமோ எதிரியாக

எண்ணிவிட்டு இருந்திடுமோ

உன்னுள்ளம் அமைதியாக!

பொல்லாத பெண்மையாக

பூமியில் வாழனுமா?

பூவோடு நாரும் சேர்ந்து

பொழுதுக்கும் மணக்கனுமா?

பொசுங்காதே பொறாமையில்

பொசுக்காதே பிறைரை தீயில்...

டிஸ்கி// இதை அப்படியே ஆணினத்துக்கும்[அதாவது ஆண்பாலுக்கும்] மாற்றிக்கொள்ளலாம்.
நாங்களெல்லாம் நல்லபிள்ளைங்கப்பா அப்படியெல்லாம் சொன்னா யாரும் நம்பமாட்டாங்கப்பா ஹா ஹா]

அன்புடன் மலிக்கா
இறைவனை நேசி இன்பம் பெறுவாய்.

கள்ள உள்ளம்.

2011-11-08T10:13:00.004+04:00

குயிலின் கூட்டில்

கள்ளத்தனமாய்

கருநாகம் குடியேறி

குடிலை கலைக்க நினைக்கிறது

வீதியில் செல்வோரை
வேசியென வாய்கூசாமல் ஏசி

வேடதாரிகளாய்

வெளிவேசம் போட்டுத் திரிகிறது

கழிசடையெல்லாம்

சாக்கடையில் ஓடாமல்

கள்ள உள்ளம் கொண்ட மனதுக்குள்

கரைபுரண்டு ஓடுகிறது

வாழை வீழ்ந்தாலும்
தன் வம்சம் தளைக்க

தன் வாழையடியை

விட்டுச்செல்கிறது

”ஆனால்”

பச்சோந்திகளாகும் மனங்கள்

தன் வாழ்க்கையை நிறம் மாற்றி

தன் வம்சத்தின் வாழ்வுக்கும்

பழிச்சாயம் பூசுகிறது.

அற்பங்களுக்கு ஆசைப்பட்டு

அடுத்தவர் வாழ்வையும் கெடுத்து

தட்டுக் கெட்டு தடுமாறி

தன் வாழ்வை

தானே சூன்யமாக்கிக் கொள்கிறது

மாற்றாளின் கணவனை

மயக்கும் மனைவியாய்!

மாற்றானின் மனைவிக்கு

மயங்கும் கணவனாய்!..

அன்புடன் மலிக்கா
இறைவனை நேசி இன்பம் பெறுவாய்.